Tradizioak dioenez, San Fermin Firmus senadore erromatarraren semea zen eta Pompaelo hiri erromatarrean bizi izan zen I. mendearen inguruan (edo III. mendean, ez baitago ondo dokumentatuta). Bataiatu eta Galia ebanjelizatzera joan zen, baina irailaren 25ean Amiensen espetxeratu eta burua moztu zioten.
Hala ere, haren gurtza ez zen bere jaioterrira iritsi, eta ez zen ezer jakin haren berri XII. mendera arte, Donejakue bidean zihoazen erromesen eta San Cermineko burguan finkatu ziren frankoen bidez. 1186an hasi zen haren ospea zabaltzen, Amienseko apezpikuak Iruñeko apezpikuari santuaren erlikia bat eman zionean.